ರಾಧೆ-ಕೃಷ್ಣ

ಅನುದಿನವು ರವಿತೇಜ ಪೃಥವಿಯನು ಸುತ್ತುವಂತೆ
ನಮ್ಮೀರ್ವರ ಪ್ರೇಮ ನಿರಂತರಕ್ಕೆ ಸಾಕ್ಷಿಯಂತೆ!

ಮೇಲ್ನೋಟಕೆ ಸೂರ್ಯ ಪೃಥವಿಯನು
ಹಗಲಿರುಳು ಸುತ್ತುತಿಹನು
ಬೆಳಕು-ಕತ್ತಲೆಗಳ ಸೃಷ್ಟಿಸಿ
ಅವಳೊಂದಿಗೆ ಕಣ್ಣಾಮುಚ್ಚಾಲೆ ಆಡುತಿಹನು
ಬಗೆದು ನೋಡಿದರೆ ತಿಳಿಯುವುದು
ಚಲಾಚಲಗಳ ಸತ್ಯ

ಸೂರ್ಯನಂತೆ ನಿಶ್ಚಲ
ಅದರ ಬೆಂಕಿಯುಂಡೆಯಷ್ಟೆ ನಿಷ್ಕಲ್ಮಶ
ನನ್ನ ಸ್ನೇಹ ಚಿತ್ತ
ಪೃಥವಿಯಂತೆ ಸುತ್ತುತಿಹವು
ಅವಳ ಅಂತರಂಗದ ಭಾವನೆಗಳು
ಪುನಃ ಪುನಃ ನನ್ನ ಸುತ್ತ