ಚಳಿ ಮಳೆಯ ಮುಂಗಾರಿನ ಸಮಯದಲ್ಲಿ ಪ್ರತಿದಿನ
ಹಾಯೆನಿಸುವಷ್ಟು ಕುದಿ ನೀರಲ್ಲಿ ಮೀಯುತ್ತಿದ್ದೆ;
ಈಗಿಲ್ಲ ಆ ಕ್ಷಣಿಕ ಸುಖದ ನೆನಪು
ಹಿತ್ತಲ ಮಲ್ಲಿಗೆ ಬಳ್ಳಿಯಲ್ಲಿನ ಹೂಗಳ
ನರುಗಂಪ ಸವಿಯುತ ಕಾಲ ಕಳೆಯುತ್ತಿದ್ದೆ;
ಎಲ್ಲಿ ಮಾಯವಾಯಿತೋ ಆ ಪರಿಮಳದ ನೆನಪು
ಮತ್ತೇರಿ ಗಂಟೆಗಟ್ಟಲೆ ಮಂಪರು ನಿದ್ದೆ ಮಾಡುವಂತೆ
ಬಾಯಿ ಚಪ್ಪರಿಸುತ ಗಸಗಸೆ ಪಾಯಸವ ಕುಡಿಯುತ್ತಿದ್ದೆ;
ನಾಲಿಗೆಗಿಲ್ಲ ಆ ಸವಿರುಚಿಯ ನೆನಪು
ಮುಸ್ಸಂಜೆಯಲಿ ಧ್ವನಿಸುರುಳಿಗಳ ಹಚ್ಚಿ
ಗಾನಸುಧೆಯೊಂದಿಗೆ ಗುನುಗುನಿಸುತ್ತಿದ್ದೆ;
ಕೇಳದಿಹುದೀಗ ಆ ಇಂಪ ನೆನಪು
ಆದರೆ, ಮನಸ್ಸಲ್ಲಿ ಮರೆಯಲಾಗದಂತೆ ಅಚ್ಚೊತ್ತಿಹುದಲ್ಲ
ಒಮ್ಮೆ ಮಾತ್ರ ಕಂಡ ಅವಳ ಬೊಗಸೆ ಕಂಗಳ ಹೊಳುಪು
2 comments:
ಯಾರದು ಆ ಬೊಗಸೆ ಕಣ್ಣು ಅಂತ ಹೇಗೆ ತಿಳಿಯೋದೀಗ? :)
ನೆನಪೆ ಓ ನೆನಪೇ ಎಂತಹಾ ನೆನಪೇ
Post a Comment